Tımýr Súleımenov: Qazaqstan shıkizat táýeldiliginen qutylyp keledi
"2017 jyly JІÓ ósiminiń 4 paıyzy qamtamasyz etilgen. Bizdiń josparlar men boljamdar boıynsha osy jyly ósim taǵy 4 paıyzdy quraıdy. Maqsatty dálizde ınflıatsııanyń deńgeıi 6,2 paıyz bolady dep kútilýde. Jumyssyzdyq deńgeıi tómen qalypta - 4,9 paıyzdyq deńgeıde qalady. Ekonomıka qurylymyndaǵy sapaly ózgeristerge keletin bolsaq, kelesi jaıdy atap ótýge bolady: 2010 jáne 2017 jyl aralyǵynda álemdik tehnologııalyq tártiptiń aýysymyna baılanysty bizdiń JІÓ qurylymynda qyzmetterdiń salystyrmaly salmaǵy 52-den 58 paıyzǵa artty", - dedi Tımýr Súleımenov Sheteldik ınvestorlar keńesiniń plenarlyq otyrysynda.
Mınıstrdiń aıtýynsha, JІÓ qurylymynda taý-ken ónerkásibiniń kólemi tómendep kele jatqany qýantady.
"Baǵalyq faktorlar boıynsha jaǵdaı jaıly, taý-ken ónerkásibiniń úlesi JІÓ-de 19-dan 13 paıyzǵa tómendedi. Bizdiń eldiń syrtqy faktorlar men shıkizattyq sektordan táýeldiligi tómendep kele jatqanyn osydan-aq kórýge bolady. Sonymen birge, bizdiń dıversıfıkatsııanyń negizgi draıverleri - óńdeý ónerkásibi men aýyl sharýashylyǵy - shamamen 11 jáne 5 paıyzdyq mólshermen osydan jeti jyl burynǵy kórsetkishte qalyp otyr", - dedi Tımýr Súleımenov.
Mınıstr óz sózinde jańa ekonomıkalyq modelge kóshýge múmkindik beretin bes qaǵıdatty atady. Onyń esepteýinshe, jańa ekonomıkalyq model ónimdilikke kúndelikti mańyz berý jáne sapa, adamdardyń, kásiporyndar men salalardyń tehnologııalarǵa bet burýy, básekege qabilettilik jáne aımaqtyq damýdy talap etedi.
