Tımýr Súleımenov Freedom Bank-ten keshbek alǵan klıentterdiń salyq deklaratsııasyn tapsyrýy týraly pikir bildirdi
ASTANA. KAZINFORM –Senat otyrysynan keıin jýrnalıster Ulttyq bank tóraǵasy Tımýr Súleımenovten Freedom Bank-ten keshbek alǵan klıentterdiń nege salyq deklaratsııasyn tapsyrýǵa mindettelgenin surady.
— Bizde salyq zańnamasy barshaǵa ortaq. Eger tabystyń qandaı bir túri salyq kodeksi turǵysynan salyq salynatyn tabys bolyp eseptelse kimniń bank kartasy, qandaı qarjylyq ónim ekenine qaramaıdy, — dedi ol.
Tımýr Súleımenov Freedom-nyń keshbegi nege qundy qaǵaz bolyp esepteletinin salyq organdarynan naqtylaý kerektigin aıtty.
Al keshe Joǵary aýdıtorlyq palata tóraǵasy Álıhan Smaıylov elde iri salyq tóleýshilerge monıtorıng júıesiz júrgiziletinin synaǵan edi.
