Tımýr Súleımenov: bóten eldiń valıýta baǵamyna erekshe kóńil bólýdiń qajeti joq

ASTANA. KAZINFORM — QR Ulttyq bank tóraǵasy Tımýr Súleımenov teńgeniń dollarǵa shaqqandaǵy baǵamyna qatysty suraqqa jaýap berdi.

- Kóshedegi aqparattyq tablony valıýta baǵamyndaǵy qubylmaly jaǵdaımen kúresý úshin alǵan joqpyz, ıaǵnı bul jaıynda osyǵan deıin aıtqan edik. Sebebi valıýta baǵamyn ınternet arqyly onlaın rejımde kórýge bolady, sondaı-aq buqaralyq aqparat quraldary da kúnine birneshe ret jarııalap jatyr, - dedi T. Súleımenov Ulttyq bankte ótken baspasóz máslıhatynda.

Osy oraıda ol sheteldik valıýtanyń baǵamy Qazaqstandaǵy eń basty qarjy tetigi emes ekenin atap ótti.

- Qazir saýda-tranzıttik ekonomıka emespiz, budan baıaǵyda ketkenbiz. Bul turǵyda bizge kúndelikti ómirimizde dollar kerek emes. Meniń oıymsha, bóten eldiń valıýta baǵamyna qatysty erekshe kóńil bólýdiń qajeti joq. Jalpy, dollar baǵamyna boljam jasamaımyz, buǵan tyıym salynǵan, - dedi UB basshysy.

Eske salsaq, bıyl qyrkúıek aıynyń basynda elde kóshedegi valıýta tablosyna tyıym salyndy. 

Osy oraıda Qazaqstanda valıýta baǵamy týraly aqparattyq stend (tablo) aıyrbastaý pýnkitiniń ishinde nemese kassa janynda bolýy kerek.

Buǵan deıin búgin aqsha aıyrbastaý oryndarynda dollar qanshadan saýdalanyp jatqanyn jazǵan edik.