Tımýr Súleımenov: Bıyl bazalyq mólsherleme 17 paıyzǵa deıin tómendetildi
ASTANA. KAZINFORM – Bıylǵy maýsymnyń qorytyndysy boıynsha Ulttyq banktiń iskerlik belsendilik ındksi 50 tarmaqty qurady. Bul týraly Úkimet otyrysynda QR Ulttyq bank tóraǵasy Tımýr Súleımenov málimdedi.
Onyń aıtýynsha, bul kórsetkish iskerlik belsendiliktiń ótken aıdaǵy deńgeıde saqtalǵanyn bildiredi. Sonymen qatar qurylys jáne óndiris salalarynda oń dınamıka baıqalǵan.
– Jyldyq ınflıatsııa toǵyz aı qatarynan baıaýlap, maýsym aıynda 10,3 paıyzdy qurady. Buǵan qatań aqsha-kredıt saıasaty, eń tómengi rezervtik talaptardyń kúsheıýi, altyn satyp alý operatsııalaryn keńeıtý arqyly aqsha massasyn basqarý, Úkimettiń ınflıatsııaǵa qarsy is-sharalar keshenin iske asyrý, sondaı-aq tutynýshylyq kredıtteýdi retteýge baǵyttalǵan makroprýdentsııalyq sharalar yqpal etti.
Ulttyq bank tóraǵasynyń sózinshe, atalǵan faktorlardyń yqpalymen 5 maýsymda bazalyq mólsherleme 18 paıyzdan 17 paıyzǵa tómendetildi.
- Degenmen ınflıatsııa áli de eki tańbaly bolǵandyqtan, jaǵdaı tolyq turaqtyndy dep aıtýǵa áli erte. Inflıatsııany odan ári tómendetý úshin kommýnaldyq qyzmetterdiń tarıfterin jáne janar-jaǵarmaı baǵasyn kóterý baǵdarlamalaryn baıyppen iske asyrý, bıýdjettik kontsılızatsııany naqty iske asyrý, ıaǵnı respýblıkalyq bıýdjet defıtsıtiniń jáne ulttyq qor transferlikteriniń ósýine jol bermeý.
Aıta keteıik, búgin Úkimet respýblıkalyq bıýdjettiń atqarylý barysyna nazar aýdarady.
