Tımýr Shaımergenov: Qazaqstanda sheteldik kapıtaldy tartýda tolyqqandy júıe qalyptasty
«Elimiz shynynda da, jańa tarıhı kezeńge aıaq basty. Jańa mindetter aıqyndaldy. Sońǵy 30 jylda óziniń baǵyt-baǵdarynan aýytqymaǵan syrtqy saıasat sekildi konservatıvti sala da tolyqtyrylyp keledi. Qazirgi tańda bizdiń mınıstrlik ınvestıtsııa tartý, ekonomıkalyq múddeni alǵa jyljytý baǵytynda jańa vertıkaldy qurastyrdy. Sheteldik kapıtaldy tartý júıesiniń sáýleti de qatty ózgeriske ushyrady. Árbir aımaqta «Qazaq ınvest» kompanııasynyń fılıaldary ashyldy. Ol kompanııanyń aımaqtaǵy basshylary sol óńirlerdiń ákimderiniń keńesshilerine aınalyp shyǵa keldi. ıAǵnı, kez kelgen ınvestor jergilikti bılikpen tikeleı jumys júrgize alatyndaı jaǵdaı jasalyp otyr», - dedi Tımýr Shaımergenov Qazaqstan strategııalyq zertteýler ınstıtýtynyń uıymdastyrýymen elordada ótken «Prezıdent Q.K.Toqaevtyń 10 mindeti: el damýynyń jańa deńgeıi» atty dóńgelek ústelde.
Komıtet tóraǵasynyń aıtýyna qaraǵanda, QR SІM-ge qarasty barlyq qazaqstandyq mekemeler de bul jumysqa belsendi túrde aralasýda.
«Osylaısha, sheteldik kapıtalmen jumys atqarýda biz jańa ári tolyqqandy júıege qol jetkizdik. Árbir dıplomatqa, árbir elshige, mınıstrdiń orynbasarynyń aldyna jańa mindetter qoıylyp otyr. Árbir dıplomattyń jumysyna baǵa beriler kezde onyń bıznes baǵytynda júktelgen mindeti qanshalyqty oryndalǵany esepke alynady. Qandaı kezdesý ótkizdi, onyń nátıjeliligi qandaı, qansha kapıtal tarta aldy - osynyń bári eskeriledi. Memleket basshysy atap ótkendeı, elge kelgen árbir ınvestıtsııa qarapaıym azamattarǵa paıda ákeletindeı aýqymdy jumys bastalyp ketti», - dedi Tımýr Shaımergenov.
Eske sala ketsek, Táýelsizdik saraıynda 12 maýsymda ótken ulyqtaý rásiminde Qazaqstan Prezıdenti Qasym-Jomart Toqaev ınvestıtsııa tartý baǵytynda jumys júrgizetinin aıtqan edi.
«Qazaqstandyq kásipkerlerdi qoldap, ınvestıtsııa tartyp, olardy da qorǵap, iskerlik belsendilikti barynsha jigerlendiretin bolamyn», - dedi Prezıdent.
