Tımýr Muratov zardap shekken feldsher jaıynda: Jaǵdaıy óte aýyr

ASTANA. KAZINFORM – Densaýlyq saqtaý vıtse-mınıstri Tımýr Muratov elordada turǵyn úı kesheniniń qasbetindegi kirpish qaptamasy men kondıtsıoner qondyrǵysynyń bóligi qulaý saldarynan zardap shekken feldsherdiń jaǵdaıy týraly aıtty.

— Shynyn aıtý kerek, áriptesimiz jas feldsher mamannyń jaǵdaıy óte aýyr. Jan jaqtaý bóliminde em qabyldap jatyr. Barlyq densaýlyq saqtaý júıesi, mamandar birigip, konsılıým arqyly sheshim qabyldap, kómek kórsetip jatyrmyz. Áriptesimiz arýhanaǵa túsken kúni ota jasalyp, reanımatsııalyq kómek kórsetildi. Qazir qalamyzdaǵy úlken aýrýhanalardyń birinde emin jalǵastyryp jatyr, — dedi vıtse-mınıstr Úkimet otyrysynan keıingi brıfıng barysynda.

Onyń aıtýynsha, qalǵan zardap shegýshiler de tolyq kólemde em alyp jatyr.

— Bir naýqastyń jaǵdaıy aýyr, ol da jan saqtaý bóliminde. Qalǵandary tıisti emin tolyq kólemde alýda, — dedi Tımýr Muratov.

Esterińizge sala ketsek, 8 qarashada elordada turǵyn úı kesheniniń qasbetindegi kirpish qaptamasy men kondıtsıoner qondyrǵysynyń bóligi qulap, saldarynan 5 adam zardap shekti.

Zardap shekkenderdiń bári № 1 kópsalaly aýrýhanaǵa jetkizildi.