Tımýr Muratov koronavırýstyń yqtımal ekinshi tolqynyna boljam jasady
NUR-CULTAN. QazAqparat – Nur-Sultan qalasynyń Qoǵamdyq densaýlyq saqtaý basqarmasynyń basshysy Tımýr Muratov qaladaǵy epıdemıologııalyq ahýalǵa boljam jasady, dep habarlaıdy QazAqparat tilshisi.
«Qazirgi ýaqytta qaladaǵy epıdemıologııalyq jaǵdaı turaqty, bizdiń statsıonarlarda 87 naýqas emdelip jatyr. Bul – qosymsha berilgen 320 tósek-orynnyń 20% ǵana. ıAǵnı, qazir statsıonarlarda úlken júkteme joq. Sonymen birge, №10 qalalyq emhana sııaqty ambýlatorııalyq mekemelerde PTR oń nátıje kórsetken 60 naýqas bar. Olardyń barlyǵy bizdiń baqylaýymyzda, oqshaýlanǵan, olardyń sımptomsyz bóligi tek S dárýmenin alyp jatyr. Al aýrý belgileri bar naýqastar hattamalarǵa sáıkes tıisti em alýda. Olardyń barlyǵy baqylaýda. Bizdiń mindetimiz – naýqastardyń jaǵdaıy nasharlamaýy úshin olardy ambýlatorııalyq emdeýde úzdiksiz baqylaýdy qamtamasyz etý», - dedi basqarma basshysy №10 qalalyq emhanada ótken kezdesýde.
Sonymen birge, T. Muratov koronavırýs ınfektsııasynyń ekinshi tolqynyna boljam jóninde suraqtarǵa jaýap berdi.
«Vırýstan saqtansaq, onda onyń taralý aýqymy tómendeıdi. Sondyqtan bul boljam ózimizdiń maska taǵyp, áleýmettik qashyqtyq saqtaýymyzǵa tikeleı baılanysty. Aradaǵy baılanys azaıǵan saıyn, ekinshi tolqynnyń bolý yqtımaldyǵy da azaıady. Árıne, qandaı kúrdeli bolsa da, biz ekinshi tolqynǵa daıynbyz. Bári naýqastar sanyna baılanysty bolmaq. Eger epıdemııaǵa qarsy áleýmettik sharalardy tolyq saqtamasaq, naýqastar sany kóbeıýi múmkin. Densaýlyq saqtaý júıesi óz resýrstaryn belgili bir shekke deıin jumsaı alatynyn túsiný kerek. Mysaly, tósek-oryn qory boıynsha qalalyq júıe úsh kezeńde 5,6 myń tósek-oryn qura alady. Jáne 434 ókpeni jasandy jeldetý apparattarymen jáne basqa da resýrstarmen, dári-dármektermen qamtamasyz ete alady. Biraq oǵan adam resýrsy – medıtsınalyq qyzmetkerler de qajet. Sondyqtan qazir ár azamattyń mindeti – aýyryp qalmaý úshin bárin jasaý», - deıdi dáriger.
Degenmen, dáriger barlyq erejeler saqtalǵan jaǵdaıda ekinshi tolqyn asa kúrdeli bolmaıtynyn aıtty.
«Eger barlyq qajetti talaptardy oryndasaq, ekinshi tolqynnyń óte jeńil nusqasynan ótetin shyǵarmyz. ıAǵnı, aýrý sany az bolady, naýqastardyń bári baqylaýda emdeledi jáne eshkim qaza bolmaıdy», - dedi T. Muratov.
