Tımýr Muratov ınfektsııalyq statsıonarlarǵa naýqastardyń kóbirek kelip jatqanyn rastady
ASTANA. KAZINFORM — Densaýlyq saqtaý vıtse-mınıstri Tımýr Muratov keıbir iri qalalardaǵy ınfektsııalyq statsıonarlarǵa naýqastardyń kóptep kelip jatqanyn rastady.
— Klımaty bizge uqsas elderdiń bárinde kóktem men kúz maýsymynda vırýstyń taralýy joǵary bolady. Degenmen, ótken jylmen salystyrǵanda JRVI-men de, tumaýmen de aýrýshańdyq shamasy joǵary emes. Keıbir balalar ınfektsııalyq aýrýhanalarynda, eresekter aýrýhanalarynda ýaqytsha júkteme bolýy múmkin. Túsinistikpen qaraýymyz qajet. Óıtkeni, bir ýaqytta kóp naýqas túsetin bolsa, júıege salmaq túsedi. Ondaı jaǵdaılardyń bar ekenin rastaımyn. Keıbir úlken qalalarda ásirese ınfektsııalyq statsıonarlarǵa naýqastardyń kóbirek kelip jatyr. Biraq, epıdemııalyq jaǵdaı emes. Qazir kúni basymyzǵa tónip turǵan epıdemııalyq qaýip joq, — dedi vıtse-mınıstr Úkimet otyrysynan keıingi brıfıngte.
Buǵan deıin Astanada epıdemııalyq kezeń bastalyp ketkenin jazǵan edik.