Tımýr Qulybaev jumys saparymen Ekibastuzda boldy

ASTANA. QazAqparat - «Atameken» ulttyq kásipkerler palatasynyń basshysy Tımýr Qulybaev Pavlodar oblysynyń ákimi Bolat Baqaýovpen birge Ekibastuzdyń birneshe kásipornynda boldy, dep habarlaıdy pavlodarnews.kz .

Aldymen Tımýr Qulybaev pen Bolat Baqaýov bıylǵy jyly aýqymdy jóndeý jumystaryn júrgizý josparlanyp otyrǵan MAES-2 stantsııasyn aralady. Jaz boıy kásiporynnyń №1 jáne №2 energııa bloktarynda negizgi jabdyqtar jóndeledi. Jóndeý jumystarynyń jalpy quny 1,5 mıllıard teńge turady. «Zavod MVI» JShS-nda qonaqtarǵa jylýdy oqshaýlaıtyn ónim, «EnergoSpetsStroı» JShS-nda jylytý quraldary kórsetildi. Sonymen qatar, «Atameken» ulttyq kásipkerler palatasy basshysynyń nazaryna gollandııalyq raýshan gúlderi ósiriletin «Greenhouse KZ» JShS usynyldy.

 Kásiporyn basshysy Aıtmaǵanbet Sársenbekuly bolashaqta óndiristi keńeıtip, qyzanaq ósirýdi josparlap otyrǵanyn atap ótti. Jylyjaı jaǵdaıyndaǵy 5 gektar aýmaqta ósiriletin alǵashqy ónim bıylǵy jyldyń kúzinde alynady. Budan basqa, qonaqtar Qazaqstan vagon jasaý kompanııasynyń tsehtarynda bolyp, «Prommashkomplekt» JShS-niń jumysymen tanysty.