Tımýr Qulybaev Ulttyq Olımpıadalyq komıtetter qaýymdastyǵynyń Bas Assambleıasyna qatysyp jatyr

Qarashanyń 2-3 kúnderi álemniń 205 eliniń Ulttyq Olımpıadalyq komıtetteriniń basshylary men sporttyq uıymdardyń jetekshileri, onyń ishinde Halyqaralyq Olımpıadalyq komıtettiń prezıdenti (HOK) Tomas Bah, UOKQ prezıdenti Sheıh Ahmad Ál-Fahad Ál-Sabah Praga qalasynda bas qosyp, olımpıadalyq  sporttyń kókeıkesti máselelerin talqylaýda.

Jyl saıynǵy Bas Assambleıa jemisti qarym-qatynas ornatyp, Ulttyq  Olımpıadalyq komıtetterge qordalanyp qalǵan kez kelgen máselelerdi kóterýge múmkindik beredi.

Pragadaǵy ǵalamdyq sporttyq forýmǵa qatysyp jatqan QR UOK delegatsııasynyń quramynda Qazaqstan UOK Bas hatshysy Danııar Abýlgazın, QR UOK  halyqaralyq yntymaqtastyq máseler boıynsha vıtse-prezıdenti Andreı  Krıýkov, halyqaralyq qatynastar departamentiniń dırektor Álimjan Aqaev bar.

Olardyń barlyǵy UOKQ túrli komıssııalarynyń quramyna kirgendikten halyqaralyq qatynastar máseleleri, qarjy jáne aýdıt, medıtsına jónindegi  komıssııalardyń otyrystaryna qatysty.

UOKQ XXII Bas Assambleıasynyń kún tártibinde qaralǵan máselelerdiń aýqymy keń boldy. Otyrystarda Agenda 2020 baǵdarlamasynyń oryndalýy   týraly, qurlyqtyq qaýymdastyqtar men UOKQ Bas hatshysynynyń, komıssııalar tóraǵalarynyń esepteri tyńdaldy. 2018 jáne 2020 jylǵy Olımpıada oıyndarynyń uıymdastyrý komıtetteri jarystarǵa daıyndyq barysy týraly aıtyp berdi.

Bas Assambleıanyń alǵashqy kúninde baıandama jasaǵan HOK prezıdenti  Tomas Bah biraz máselelerdi qaýzady. Ol bir saǵattyq sózinde taza  sportshylardy qorǵaý, sport tıimdi basqarý, dopıngke qarsy jáne sybaılas  jemqorlyq qatysty tergeý máselelerine keńinen toqtaldy.

HOK prezıdenti reseılik sportshylarǵa sanktsııalar qoldanýǵa qatysty qoǵamda qyzý talqylanyp jatqan áńgimelerdi Halyqaralyq Olımpıadalyq  komıteti komıssııasynyń tergeý jumystary aıaqtalǵanǵa deıin orynsyz dep tanyp, synǵa aldy.

«Olımpıadalyq qozǵalysta árbir adamnyń quqyqtary men mindetteri birdeı. Árbir adamnyń máseleniń ádil qaralýyn quqyqyǵy bar», - dedi Tomas Bah. HOK basshysynyń aıtýy boıynsha reseılik sportshylarǵa qatysty sheshim jeltoqsanda qabyldanady.

Tomas Bah Dopıngke testileý jónindegi táýelsiz agenttikti ITA (Independent Testing Authority) qurýdaǵy ilgerilikti atap ótip, dopıngpen kúresti kúsheıtip ári tıimdi qylý maqsatynda delegattardy uıymdy qoldaýǵa shaqyrdy.

HOK prezıdenti taza sportshylardy qorǵaý jónindegi sharalar týraly aıtyp, Ońtústik Koreıadaǵy Olımpıada oıyndary qarsańynda sportshylardy testileý baǵdarlamasynyń        kúsheıtilgenine toqtaldy. Sonymen qatar, esepteri men jumys kestesin aı saıyn jarııalaýǵa daıyn otyrǵan qysqy sport túrleri jónindegi Federatsııalarǵa  alǵysyn bildirdi.

«Búginde álemdiń sporttyq qaýymdastyq aldynda ǵalamdyq syn-tegeýrinder tur. Olardy tek birlesip qana sheshýge bolady. Ulttyq Olımpıadalyq komıtetter qaýymdastyǵynyń Bas Assambleıasy syndy alańdar qazirgi sporttaǵy kókeıkesti máselelerdi talqylap qana qoımaı, onyń jaqsartý men jetildirý maqsatyndaǵy naqty sharalardy aıqyndap, qoldanýǵa     múmkindik beredi. Máselen, Ulttyq Olımpıadalyq komıtetter men halyqaralyq federatsııalar úshin taza sportshylardy qorǵaý  sharalary óte mańyzdy. Qazaqstannyń Ulttyq Olımpıadalyq komıteti  sportta dopıngti qoldanýǵa «nóldik tózimdilik» ustanymyn alǵa tarta otyryp, dopıngke sportshylardy testileý jónindegi táýelsiz agenttiktiń qurylýyn qoldaıdy. Bizdiń aldymyzda barlyq deńgeıde dopıngpen kúresip, taza sportshylardy qoldaýǵa múmkindik beretin tıimdi júıeni qurý máselesi tur», - dedi QR UOK prezıdenti Tımýr Qulybaev.

Bas Assambleıada olımpıadalyq sporttaǵy oń ózgeristerde atap ótildi. Birinshi kezekte olımpıadalyq baǵdarlamadaǵy genderlik teńdik, jańa sport túrleriniń qosylýy, jas urpaqty Olımpıadalyq qozǵalysqa qosýǵa múmkindik beretin  jańa tehnologııalardy sportqa engizý sııaqty máseleler. HOK basty maqtanyshy - Olımpıadalyq arna týraly da aıtyldy. Arna túrli baǵdarlamalardy óz kúshimen daıyndap, halyq arasynda sportty keńinen nasıhattaýǵa jol ashty.

Olımpıada oıyndaryn qabyldaýǵa úmitkerlerdi usynýǵa qatysty jasalǵan reforma da Bas Assambleıada atap ótildi. Jaqynda 2024 jáne 2028 jyldardaǵy Olımpıada oıyndaryn birden tańdaý protsesi ashyqtyq pen ádildikti kórsete aldy.

Ońtústik Koreıadaǵy Olımpıada oıyndaryndaǵy qaýipsizdik máselelerine keletin bolsaq, túbektegi saıası shıelenisýshilikke qaramastan Oıyndardy qaýipsizdigine qatysty eshqashan kúmán bolǵan emes.

Sporttaǵy tımidi basqarý máseleleri jaqynda sybaılas jemqorlyq daýlaryna baılanysty mańyzdy bolyp otyr. UOKQ prezıdenti Sheıh Ahmad Ál-Fahad Ál-Sabahqa qatysty daý boıynsha, ol  uıymnyń atqarýshy komıtetimen tolyq aqtalǵanyn Bas Assambleıasynyń barlyq 1300 delegaty qýana qabyl aldy. Bul rette UOKQ atqarýshy komıtetiniń sheshimimen quramynda bes qurlyqtyq uıymnyń ókilderi bar etıka jónindegi jańa táýelsiz komıssııa qurylatyn boldy.

UOKQ Bas Assambleıasynyń birinshi kúni sporttyq jetistikteri men Olımpıadalyq qozǵalysty damytýǵa qosqan úlesteri úshin sportshylar men sport sheneýnikterin marappattaý rásimimen qorytyndylandy.