Tımýr Qulybaev pen Qaırat Boranbaev koronavırýspen kúreske 1 mlrd teńge bóldi

NUR-SULTAN. QazAqparat – Tımýr Qulybaev jáne Qaırat Boranbaev koronavırýs epıdemııasy saldarymen kúreske 1 mlrd teńge bóldi. Bul týraly QazAqparat «Atameken» UKP saıtyna silteme jasap habarlaıdy.

Qarajat Nur-Sultan jáne Almaty qalalarynyń ákimdikteri arqyly bólinetin bolady. Operator bolyp Halyk qaıyrymdylyq qory belgilendi

Tımýr Qulybaev jáne Qaırat Boranbaevtyń tarapynan bul qaıyrymdylyqqa arnalǵan alǵashqy qarajat emes.

Eske salsaq, kásipkerler Tımýr Qulybaev jáne Qaırat Boranbaev Arys qalasyna qala apattan soń jabylǵan kezde birden bardy.

Túrkistan oblysynyń ákimi Ómirzaq Shókeevpen birge apat saldarynan keltirilgen zalal mólsherimen tanysty, sodan keıin áleýmettik mańyzy bar obektiler – mektep pen balabaqshany qalpyna keltirý boıynsha sheshim qabyldady.

Bul maqsatqa Tımýr Qulybaev jáne Qaırat Boranbaev 1 mlrd teńge bóldi. Atalǵan bastamany Halyq bankiniń Halyk qaıyrymdylyq qory qoldady.