Tımýr Qulybaev mindetti medıtsınalyq saqtandyrýǵa qatysty pikir bildirdi
ASTANA. QazAqparat - Mindetti áleýmettik medıtsınalyq saqtandyrýdy engizý adal kásipkerlerdiń «kóleńkege» ketýine alyp keledi. Bul týraly Parlament Májilisinde «Atameken» UKP tóralqasynyń tóraǵasy Tımýr Qulybaev málim etti, dep habarlaıdy QazAqparat.
«Biz Úkimetpen birlesip salyqtar kólemin qysqartýǵa nıettimiz jáne salyqtardy qysqartý múmkindigi bar. Memleket basshysy tıisti tapsyrma da bergen bolatyn. Bul turǵyda biz eńbekti tóleý qoryna júkteme týraly aıtyp otyrmyz. Sondyqtan Sizderdiń qoldaýlaryńyz qajet. Jalpy, qansha adam zeınetaqy jarnalaryn tólep jatqanyn qarap shyqtyq. Shamamen, eńbekke qabiletti 9 mıllıonnyń arasynda 5,6 mıllıony kem degende jylyna bir ret tóleıdi. Al 12 aı boıy 1,4 mıllıon adam jarnasyn ótep keledi. ıAǵnı ashyǵynan jalaqy tólep, zeınetaqy aýdarymdaryn júrgizip jatqan adamdar men kásiporyndarǵa taǵy da júkteme salýdamyz. Sebebi Mindetti áleýmettik medıtsınalyq saqtandyrýdy atalǵan 1,4 mıllıon adam ǵana tóleıdi. Basqalarynyń tóleýge múmkindigi bolmaıdy. Biz osyny kórip otyrmyz. Sáıkesinshe, osy kásiporyndar úshin eńbekti tóleý qoryna júkteme 44 paıyzǵa jýyq bolady. ıAǵnı adamdar «kóleńkege» kete bastaıdy, sondaı- aq shamalary kelgenshe «konverttik» júıege kóshedi», - dedi T. Qulybaev.
Osy oraıda «Atameken» basshysy medıtsınalyq saqtandyrý baǵytynda sheshilmegen máselelerdi aldaǵy aptada Densaýlyq saqtaý mınıstri Eljan Birtanovpen talqylaıtynyn jetkizdi.
Onyń paıymynsha, Densaýlyq saqtaý mınıstrligi Mindetti áleýmettik medıtsınalyq saqtandyrýdy engizýge daıyn emes. Eń basty sebep - ol medıtsınalyq mekemelerde aqshany tıimdi ıgerýge qaýqarly menedjerlerdiń joqtyǵyna baılanysty.
Tımýr Qulybaevtyń atap ótýinshe, bul júıeni engizýde asyǵystyq tanytýdyń reti joq. Aldymen, jeke kásipkerler, ózin-ózi jumyspen qamtyǵandar eń tómen deńgeıdegi salyqty tóleýine qol jetkizip alýy kerek.
Budan bólek ol mindetti áleýmettik medıtsınalyq saqtandyrýdy engizer aldynda Densaýlyq saqtaý mınıstrliginiń shyǵystaryn ońtaılandyrý qajettigin qadap aıtty. Osy oraıda mınıstrlik uıymdary shyǵystarynyń tıimdiligine taldaý jasap, qosymsha qarjy rezervin tabýǵa bolady.
