Tımýr Qulybaev Qyzylorda kásipkerlerimen kezdesti
«Atameken» basshysy eń aldymen «Nur-stroı» JShS Qyzylordadaǵy fılıalyna bardy. Qarqyndy ári zamanaýı damyp otyrǵan kásiporynnyń negizgi jumysy kópsalaly qurylysqa arnap temirbetondy buıymdar men konstrýktsııany shyǵarýǵa baǵyttalǵan. 2012 jyly iske qosylǵan kásiporynnyń jyldyq qýatymen 60 myń m3 ónim daıyndaıdy.
Zaýytta qalyptyq, armatýraly, beton aralastyratyn, shıkizattyq jáne mehanıkalyq jóndeý tsehtary jumys isteıdi. Búginde 220 adamdy turaqty jumyspen qamtyp otyr ári jumysshylarynyń áleýmettik jaǵdaıyna erekshe kóńil bóledi.
Zaýyt dırektory Nurlybek Qalekeevtiń aıtýynsha, óńirdegi qurylystyń qarqyndy damýy ónim suranysynyń joǵarylyǵymen túsindiriledi. Zaýyt ónimi Aqtóbe, Atyraý jáne Batys Qazaqstan oblystarynda keńinen tanylǵan.
Tımýr Qulybaev bastaǵan elordalyq qonaqtar, sonymen qatar, Qyzylordada erler jeıdesin tigetin fabrıkanyń jumysymen tanysty.
Tigin fabrıkasynyń jetekshesi, «DALATEX» JShS dırektory Dilmuhamed Abızov kásipti qalaı jolǵa qoıǵanyn baıandady
«Eń basynda taýardy shet elden ákelip, jergilikti bazarda sattyq. Biraq keıinnen óńirde de erler kıimin tigýmen aınalysýǵa bolatynyn túsindik», - deıdi «DALATEX» basshysy
Fabrıkada barlyq tehnologııalyq protseske qajetti zamanaýı ozyq jabdyq qoıylǵan. Qazirgi tańda óndiris kólemi aıyna 7-9 myń jeıde tigýge deıin jetti. Keleshekte aıyna 10-12 myń ónim daıyndaý josparlanyp otyr. Búginde munda 40 jumysshy eńbek etedi.
Qosymsha jetildirilgen, kompıýterlendirilgen qurylǵylar satyp alynýda. Satyp alýshylarǵa yńǵaıly bolý úshin elimizdiń ózge de óńirlerinen saýda qoımalaryn ashý josparlanǵan. Búginde kásipker reseılik áriptestermen yntymaqtastyq ornatyp otyr. Onyń strategııalyq josparyna sáıkes bolashaqta TMD elderine arnap jeıde túrleri shyǵarylady.
Kásiporyndaǵy kezdesýdiń sońynda Tóralqa Tóraǵasy tilek kitabyna óz pirikin qaldyrdy.