Tımýr Qulybaev Gennadıı Golovkındi týǵan kúnimen quttyqtady
ASTANA. QazAqparat - QR Ulttyq olımpıada komıtetiniń, Qazaqstan Boks federatsııasynyń prezıdenti Tımýr Qulybaev Gennadıı Golovkındi 35 jasqa tolǵan mereıtoıymen quttyqtady, dep habarlaıdy QazAqparat.
«Qymbatty Gennadıı! Seni týǵan kúnińmen quttyqtaımyn! Sen qazaqstandyqtar úshin sarqylmas kúshtiń jáne ózine degen senimdiliktiń nyshany jáne eń bastysy búkilálemdik tanymaldyq pen tabysqa qol jetkizgen rııasyz jymıyp júretin qaraǵandylyq jigit bolyp qala beresiń. Sen eń tanymal qazaqstandyq boksshy, otandyq boks mektebiniń sımvoly, qýat pen jeńimpazdyqtyń úlgisine aınaldyń. Búkil álemdegi júzdegen myń jankúıeriń sen sııaqty bolýǵa, ózindegi maqsatqa umytlǵyshtyq, senimdilik, eńbeksúıgishtik syndy qasıetterdi damytýǵa umtylady. Seniń árbir jeńisiń bizdiń bokstyń jeńisi, sporttyq Qazaqstannyń dańqy men maqtanyshy. Ár ýaqytta da jáne barlyǵynan birinshi bol!», - delingen Tımýr Qulybaevtyń quttyqtaýynda.
Sonymen qatar ol sóz sońynda sportshyǵa zor densaýlyq, uzaq ómir, otbasynda baqyt pen bereke tilegen.
