Tımýr Qulybaev Gennadıı Golovkındi kezekti aıqyn jeńisimen quttyqtady
ASTANA. QazAqparat - Qazaqstan boks federatsııasynyń prezıdenti Tımýr Qulybaev boksshy Gennadıı Golovkındi IBF chempıony Davıd Lememen bolǵan jekpe-jekte jetken jeńisimen quttyqtady. Bul týraly Qazaqstan boks federatsııasynyń baspasóz qyzmetinen habarlandy.
Budan buryn habarlanǵandaı, Qazaqstan boksshysy IBF chempıony Davıd Lemeni 8-shi raýndta texnıkalyq nokaýtpen jeńdi.
«Sizdiń kezekti jáne sózsiz jeńisińiz barsha otandastaryńyzdy jigerlendirdi. Madison Square Garden arenasynda IBF chempıony Davıd Lemeni jeńý arqyly Siz barsha álemge boksta qazaqstandyqtarǵa teń joq ekenin taǵy da kórsettińiz. Sizdiń jeńisterińiz balǵyn otandastaryńyzdy rýhtandyryp otyrady. Bolashaqta jastarymyz Qazaqstannyń sporttaǵy abyroıy men ataǵyn eseleı túsetinine senimdimin. Sizge jańa belesterdi eńserýde tabystar tileımin!», - dep atap ótilgen T. Qulybaevtyń quttyqtaýynda
