Tımýr Qulybaev: Gennadıı Golovkın Qazaqstan boks mektebiniń mártebesin álemge asyrdy
ASTANA. QazAqparat - Qazaqstan Boks federatsııasynyń prezıdenti Tımýr Qulybaev Gennadıı Golovkınge búgingi jeńisine baılanysty quttyqtaý jedelhatyn joldady.
«Qurmetti Gennadıı! Jańa tamasha jeńisińmen shyn júrekten quttyqtaımyn!
Barlyǵymyz búgin áserli jáne ádemi boksty, ózińe tán shabýyl, tehnıkalyq jáne shyńdalǵan jekpe-jek stılin tamashaladyq.
«Boxinco» 2014 jeńimpazy kishi Vıllı Monromen bolǵan jekpe-jekte senimdi basymdyq tanytqan sen kezekti jeńisińe qol jetkizip qana qoımaı, búkil álemge Qazaqstan boks mektebiniń mártebesin asyrdyń.
Seniń búgingi jetken jetistigiń otandastyrymyzdyń júreginde maqtanysh sezimin oıatty. AQSh-ta ótken bul saıysty qazaqstandyq telearnanyń tikeleı efırinen júz myńdaǵan jerlesiń tamashalady.
Los-Anjdelestiń sharshy alańynda ótken bul jeńis qazaqstandyqtardy jańa ıgi isterge shabyttandyryp, otandyq boks mektebiniń, búkil qazaqstandyq sporttyń bedelin odan da joǵary kótere túskenine senimdimin.
Saǵan tabys, sáttilik jáne jańa jeńis tileımin!», delingen jedelhatta.
