Tımýr Haıdarov pen Mereı Medetov álem chempıonatynda bestikke endi
NUR-SULTAN. QazAqparat - Vengrııanyń Seged qalasynda ótip jatqan baıdarka men kanoede esýden álem chempıonaty jalǵasyp jatyr. Búgin kanoeden 200 metrge juptasyp jarysýdan fınaldyq básekeler ótti, dep habarlaıdy Olympic.kz.
Fınalda synǵa túsken qazaqstandyq Mereı Medetov pen Tımýr Haıdarov besinshi oryn ıelendi. Olar atalǵan qashyqtyqty 36.73 sekýndta baǵyndyrǵan. Bul synda altyn medaldi Ispanııa quramasy (36.06) jeńip aldy. Kúmis medal Polsha (36.18), qola júlde Ózbekstan (36.42) enshisinde. Fınalǵa jalpy esebi toǵyz komanda qatysty.
