Tımýr Bolat dzıýdodan Álem kýbogynyń kúmis júldegeri atandy
ALMATY. Qarashanyń 2-si. QazAqparat /Erlik Erjanuly/ - Dzıýdodan keshe Ulanbatyrda aıaqtalǵan Álem kýbogynda qazaqstandyq sportshy kúmis júldeger atandy,
dep habarlaıdy QazAqparat Shtattyq ulttyq komandalar jáne sport rezervi dırektsııasynyń baspasóz qyzmetine silteme jasap.
Mońǵolııa astanasyndaǵy bul dúbirli doda qazannyń 31-i kúni jalaýyn kótergen edi. Uıymdastyrýshylar ony «Shyńǵys han kýbogy» dep ataǵan bolatyn. Onda astanalyq Tımýr Bolat 90 kelige deıingi salmaqta aqtyq fınalda ǵana utyldy.
Ózderiniń burynǵy jerlesteriniń bul jeńisin qoldaýǵa Ulanbatyrdaǵy qazaqtar da qatysty. Álem kýbogynyń júldegeri Mońǵolııada dúnıege kelgen bolatyn. Ol Beıjiń áýe reısi arqyly Almaty áýejaıyna qarashanyń 7-si kúni oralmaq.
