Tımýr Bekmambetovtyń fılmin kınodaǵy eń qymbat sátsizdik dep atady
ASTANA. QazAqparat - Tımýr Bekmambetovtyń «Ben Gýr» gollıvýdtyq blokbasteri 2016 jyldyń eń qymbat sátsiz kınosy atandy, dep habarlaıdy «Eho Moskvy» «Gollıvýd Reporterge» silteme jasap.
Basylymnyń baǵalaýynsha, ınvestorlar «Ben Gýrge» shamamen 120 mıllıon dollar shyǵyndaǵan. Ekinshi orynda Stıven Spılbergtiń «Bolshoı ı dobryı velıkan» fılmi tur. Ózge de shyǵynǵa ushyraǵan kartınalar arasynda Robert Zemekıs túsirgen «Soıýznıkı» de bar.
«Kartınanyń jelisi aıryqsha, bul gollıvýdtyq fılm, basty túıini - jaýyńdy keshirý. Alaıda, bul ıdeıany qazirgi halyq túsine de qabyldaı da almaıdy», - dep túsindirdi Bekmambetov RIA Novostıge bergen suhbatynda.
«Ben Gýr» kartınasy Lıý Ýollestiń osy attas romanyna negizdelgen. Iýdeıa hanzadasy Ben Gýr dosynyń satqyndyǵynan rımdik abaqtyǵa tap bolady. Sol ýaqytta Iýdeıada Isa paıǵambar óz dinin nasıhattady. Roman 1959 jyly sátti ekrandaldy, basty rólde Charlton Heston oınaǵan bul fılm 11 «Oskardy» ıelengen.
