Tımýr Bekmambetovtiń ıdeıasymen túsirilgen fılm AQSh-ta rekord ornatýda
ASTANA. QazAqparat - 17 sáýir kúni AQSh-ta prokatqa shyqqan rejısser Leo Gabrıadze men prodıýser Tımýr Bekmambetovtiń «Unfriended» («Dostar qatarynan shyǵarý»- «Ýbrat ız drýzeı») fılmi tek túngi seanstardyń ózinde-aq $600 myńnan artyq qarajat jınady, dep habarlaıdy Ren TV.
«Unfriended» úreı fılmi AQSh-ta 2,7 myń ekrannan kórsetiledi. Sarapshylardyń pikirinshe, bul fılm AQSh-taǵy prokatynyń ózinen $12 mln jınaıdy. «Fılm ıdeıasynyń avtory - Tımýr Bekmambetov. Ǵalamtor qazirgi tańda adamdardyń bir-birimen qarym-qatynas jasaýynyń basty quraldarynyń biri bolyp otyr. Al qarym-qatynas bar jerde drama bar. Kıno túsirýshiler sol dramany kórermenge jetkizýleri kerek», - deıdi kartına rejısseri Leo Gabrıadze.
