Tımýr Bekmambetovtiń fılmi pırattyq resýrstar arqyly Qytaı kórermenderin jaýlap aldy (FOTO)
ASTANA. QazAqparat - Qytaı resýrstarynda Tımýr Bekmambetovtiń BAZELEVS stýdııasynyń «Ol - aıdahar» romantıkalyq fentezı fılmi jasyryn jolmen paıda boldy. Bes táýliktiń ishinde ony portaldardyń birinen 3,7 mıllıon adam qarap úlgirgen, al qytaı ınternetterindegi pırattyq kóshirmeler júzden asady.
Reseılik kınoprokatta ótken jyldyń jeltoqsanynda fılm úsh aptanyń ishinde jarty mıllıonǵa jýyq ǵana kórermen tartqan bolatyn, dep jazady RIA Novostı.
Qytaı «Ol - aıdahar» fılmi shetel aýmaǵyna shyqqan alǵashqy el boldy. Jergilikti pırattar orys tilindegi kóshirmelerge qytaı sýbtıtrlerin salǵan.
«Biz fılmdi qytaılyq dıstrıbıýterge usynǵanbyz, olar kartına sıýjettik erekshelikterine baılanysty jergilikti kórermenderdi qyzyqtyrmaýy múmkin. Óıtkeni aıdahar jaǵymsyz keıipker, zulymdyq ákelýshi retinde halyq túsinigine qaıshy keledi, degendi aıtty, dep áńgimeledi BAZELEVS kınokompanııanyń satý bóliminiń jetekshisi Valerııa Dobrolıýbova.
Qytaılyq qyzdar men jasóspirimder folklor mamandarynyń pikirine kerisinshe, Instragramda basty róldegi Matveı Lykovǵa ózderiniń súıispenshilikterin bildirýde, sán bıznesinen kınoǵa kelgen ol qazirdiń ózinde álemdik aýqymda tanymaldyqqa ıe boldy.
Kartına jasaýshylar qazir Azııadaǵy aıaq astynan tap bolǵan tanymaldyqqa bas qatyryp, qazir fılmdi qytaı televıdenıesinde zańdy kórsetý úshin kelissózer júrgizýde.
Sonymen birge, bul fılm Japonııaǵa prokatqa satyldy, al taıaýdaǵy kúnderi Ońtústik koreıa prokatshylarmen kelissózder aıaqtalýy tıis.
Foto: predostavleno kınokompanıeı BAZELEVS
