Tımýr Bekmambetov Qazaqstanda kınonyń jańa janryn damytady

ASTANA. QazAqparat – Belgili rejısser Tımýr Bekmambetov QR Prezıdenti Qasym-Jomart Toqaevpen kezdesýde ne týraly sóıleskenin aıtty. Rejısser Qazaqstanda bizdiń tsıfrlyq ómirimiz týraly baıandaıtyn skrınlaıf janryndaǵy jańa kıno tilin damytýǵa nıetti, dep habarlaıdy «QazAqparat» HAA tilshisi.

«Biz men úshin, Prezıdent úshin eń qyzyqty taqyryptardy talqyladyq. Qazaqstannyń ár óńirinde kreatıvti ındýstrııa ortalyqtary bolýy úshin ony qalaı damytýǵa bolatynyn talqyladyq. Bul men úshin qyzyqty. Ózim Atyraýdan, shaǵyn qaladan keldim. Eldiń kez kelgen jerinde kómektesýge laıyq, óz armandaryna jetýge tıis talantty adamdar bar ekenine senimdimin. Men jáne meniń kompanııam Qazaqstanda skrınlaıf dep atalatyn tildi damytý úshin kóp nárse jasaı alamyz dep úmittenemin. Bul – bizdiń tsıfrlyq ómirimizdi baıandaıtyn jańa kıno tili. Bul ekran, ınterfeıs áleminde ózimizdi qalaı kórsetemiz, qalaı armandaımyz, sol týraly», - dedi rejısser T.Bekmambetov.

Biz ýaqytymyzdyń kóp bóligin kompıýter men telefon ekrany aldynda ótkizetindikten, ómirimizdegi eń ótkir jáne mańyzdy oqıǵalar osy tsıfrlyq álemde bolady.
«Biz Prezıdentpen bul týraly ne aıtý kerektigi týraly ózara túsinistik taptyq, oılaný – qazirgi zamanǵy ónerdiń mańyzdy mindetteriniń biri. Biz áli talaı taqyrypqa qatysty áńgimelesýge sebep tabatynymyzǵa úmittenemin. Men úshin jumys – óte qyzyqty adamdarmen qarym-qatynas jasaýǵa syltaý», - dep bólisti rejısser.
Eske sala ketsek, búgin QR Prezıdenti Qasym-Jomart Toqaev kınorejısser Tımýr Bekmambetovti qabyldady.