Tımýr Bekmambetov Golovkın jaıly derekti fılm túsiredi
ASTANA. QazAqparat - Qazaqstan Respýblıkasynyń mádenıet jáne sport mınıstri Arystanbek Muhamedıuly qazaqstandyq boksshy, orta salmaqta WBA (Super), IBO, WBC jáne IBF júıeleri boıynsha álem chempıony Gennadıı Golovkın týraly derekti fılm túsiriletinin málimdedi. Týyndyny belgili kınorejısser Tımýr Bekmambetov túsiredi.
«Keshe ǵana Tımýr Bekmambetovpen kezdestim. Biz Gennadıı Golovkın týraly derekti fılm túsirýdi talqylap, túsirýdi josparladyq. Gennadıı - óte myqty jigit, uly chempıon, Qazaqstannyń maqtanyshy» - dedi mınıstr «Vremıa» gazetine bergen suhbatynda dep jazady massaget.kz.
Aıta keteıik, aqpan aıynda brıtandyq «Superb Films Corporation» kompanııasy da qazaqstandyq boksshy týraly fılm túsirýdi josparlap otyrǵandary týraly habarlaǵan bolatyn.
