Tımýr Bekmambetov ázirge Qazaqstanda zamanaýı jáne ózekti kıno túsirýge múmkindik joq ekendigin moıyndaıdy
ASTANA. Maýsymnyń 28-i. QazAqparat - Belgili kınorejısser Tımýr Bekmambetov Qazaqstannyń kınoındýstrııasynyń damý deńgeıi ázirge munda zamanaýı jáne ózekti kartınalar túsirýge múmkindik bermeıdi dep sanaıdy, dep habarlaıdy respýblıkamyzdyń elektrondyq BAQ-tary.
«Ókinishke qaraı, qazir Qazaqstanda eń zamanaýı eń ózekti kınolar túsirýge múmkindik bolmaı otyr. Óıtkeni ol úshin elde kınoındýstrııasyn órkendetý kerek, - dep málimdedi Bekmambetov keshe birinshi «ASTANA» ekshn-fılmder Halyqaralyq festıvaliniń ashylýyna arnalyp ótkizilgen baspasóz máslıhatynda.
«Men ylǵı da bir kún nemese bir aptaǵa qalaıda Qazaqstanǵa kelip, bir nárse isteýge únemi ýaqyt tabamyn. Bizdiń aldaǵy jobamyzda «Qazaqfılmmen» birlesip, «Altyn jaýynger» fılmin túsirý josparlanýda. Qazir soǵan daıyndyq jumystaryn júrgizip, taıaý ýaqyttarda túsirýdiń qam-qareketin jasaýdamyz. Al Qazaqstanda júıeli túrde kıno túsirý máselesi týraly ázirge eshteńe aıta almaımyn», - dedi ataqty kınorejısser Tımýr Bekmambetov.
