Tımoshenkonyń moınyna 200 mln. dollar "gazdyń" aqshasy ilindi
ASTANA. 18 sáýir. QazAqparat - Ýkraınanyń eks-premeri ıÝlııa Tımoshenko úkimettiń kelisiminsiz, memleket úshin ekonomıkalyq tıimsiz jeke dara sheshim qabyldaǵan. Mundaı málimdemeni Ýkraına teledıdary efırinen eldiń bas prokýrory Vıktor Pshonka jasady. Áńgime Reseı Federatsııasymen bolǵan gaz kelisimsharty týraly bolyp otyr,
dep jazady RBK.
"Sol kezde gazdyń 1 myń tekshe metri 179 dollar turdy, al kelisimshartqa qol qoıý kezinde ol bazalyq negizinen myń tekshe metri úshin 450 dollar bolyp shyǵa kelgen. Tergeý osynyń barlyǵyn anyqtady. Materıaldardy biz Ýkraınanyń arnaıy qaýipsizdik qyzmetinen aldyq. Áńgime memlekettiń ulttyq ekonomıkalyq qaýipsizdigi jóninde bolyp otyr», - dep málimdedi V.Pshonka.
Onyń aıtýynsha, Reseı jaǵymen ıÝ.Tımoshenko jasaǵan tıimsiz kelisimsharttyń nátıjesinde Ýkraına 200 mln. dollar joǵaltqan, - dep habarlaıdy "RBK-Ýkraına".
