Tımoshenkonyń advokatymen kamerada súıiskeni túsirilgen beınejazbany prokýratýra tekseredi (BEINE)
ASTANA. 27 sáýir. QazAqparat - Ýkraınanyń eks-premeri ıÝlııa Tımoshenkonyń bir er adammen kamerasynda súıisip turǵany túsirilgen beınejazbany Kıev prokýratýrasy tekseretin boldy, dep habarlaıdy BAQ.KZ.
Bul beınejazba Internetke 25 sáýirde shyqqan. Onda ıÝ.Tımoshenkoǵa uqsas áıel tergeý abaqtysyna uqsas bólmede otyr. Birde áıel bólme ishinde ersili-qarsyly júrip, birde tósek-ornyn túzeı bastaıdy. Keıin onyń bólmesine syrtqy kelbeti aıyptalýshynyń advokaty Sergeı Vlasenkoǵa uqsas er azamat kiredi. Sonymen qatar beınejazbada áıel men er azamat bir-birimen sybyrlap, keıin súıise ketkenin anyq kórýge bolady.
«Batkıvşına» partııasy beınematerıal qoldan jasalǵan degendi alǵa tartýda. ıÝlııa Tımoshenkonyń jaqtaýshysy da bul pikirmen kelisip otyr.
Ýkraına penıtentsıarlyq qyzmetiniń basshylyǵy bolsa, jazba túpnusqa dep sendirýde. Soǵan qaramastan qyzmet ókilderi bul jazbanyń qalaı Internetke shyǵyp ketkenin túsindire alar emes.
«Gaz» máselesine qatysty jazasyn Harkovtaǵy Kachanov túzetý mekemesinde ótep júrgen eks-premerdiń 20 sáýirden bastap ashtyq jarııalaǵany belgili boldy. ıÝ.Tımoshenko ashtyqty kolonııada soqqyǵa jyǵylǵannan keıin jarııalapty.
