Tımoshenko ıAnýkovıchti sotqa berdi
ASTANA. 26 tamyz. QazAqparat - Ýkraınanyń burynǵy premeri jáne «Batkıvşına» partııasynyń kóshbasshysy ıÝlııa Tımoshenko eldiń qazirgi prezıdenti Vıktor ıAnýkovıchti sotqa berdi,
dep habarlaıdy RBK ıÝlııa Tımoshenkonyń baspasóz qyzmetine silteme jasap.
Eks-premerdiń jaqtaýshylary Kıevtiń Pecherskıı sotyna 2006-2007 jyldary V.ıAnýkovıch úkimetiniń gaz baǵasyn 70%-ǵa qymbattatqanyna baılanysty qylmys jasalǵany týraly jáne osyǵan qatysty qylmystyq is qozǵaý týraly shaǵym túsirdi.
«Búgin Pecherskıı aýdandyq sotynyń keńsesine ıÝlııa Tımoshenkonyń atynan Vıktor ıAnýkovıch pen basqa da tulǵalarǵa qatysty qylmys jasaǵany týraly jáne solarǵa baılanysty qylmystyq is qozǵaý týraly aryz tústi. Ol tirkeýge alyndy. Aryzdyń mazmunyna toqtalatyn bolsaq, Tımoshenkonyń atyna taǵylǵan aıyp qylmys bolyp eseptelse, onda onyń aldyndaǵy quzyrly tulǵalardy da 2006-2007 jyldary qol qoıylǵan osyǵan uqsas kelisimsharttarǵa qol qoıǵany jáne bekitkeni úshin jaýapqa tartý kerek», - degen advokattyń sózin mysalǵa keltirdi ÝNIAN.
