Tımoshenko, ıAtsenıýk jáne Poroshenko Ýkraına premeri oryntaǵyna úmitker
ASTANA. QazAqparat - Ýkraınanyń Joǵarǵy Radasy búgin keshke eldiń jańa premer-mınıstrin taǵaıyndaýdy josparlaýda, dep habarlady RBK.
Bul týraly parlamenttegi «Batkıvşına» fraktsııasy basshysynyń orynbasary Nıkolaı Tomenko málim etti, dep habarlady RBK-Ýkraına tilshisi.
«Eger búgin koalıtsııa qurylatyn bolsa, al bul biz aınalysatyn birinshi másele, keshke qaraı Ýkraına premeri kim bolatyny belgili bolady», - dep málimdedi Tomenko.
Depýtat úkimet basshysy laýazymyna úsh adamnyń kandıdatýrasy qaralatynyn atap ótti. Onyń aıtýynsha, áńgime Ýkraınanyń eks-premeri ıÝlııa Tımoshenko, «Batkıvşına» fraktsııasynyń basshysy Arsenıı ıAtsenıýk jáne fraktsııadan tys depýtat Petr Poroshenko týraly bolyp otyr.
Tomenko sonymen qatar Aımaqtar partııasy fraktsııasynyń múshesi Sergeı Tıgıpkonyń mınıstrler kabınetiniń basshysy bolý múmkindigin joqqa shyǵardy. «Bul másele buryn talqylanǵan bolatyn, biraq ol bul múmkindikti jiberip aldy», - dedi Tomenko.
Eske sala keteıik, Nıkolaı Azarov qarsylyqtar jaǵdaıynda el premer-mınıstri laýazymynan ketti. Ony ýaqytsha Sergeı Arbýzov almastyrdy. Keshe ýkraın parlamenti Vıktor ıAnýkovıchti Ýkraına prezıdenti laýazymynan shettetý týraly qaýlyny qoldady jáne 25 mamyrǵa jańa saılaý taǵaıyndady. Sondaı-aq Joǵarǵy Rada óziniń jańa spıkeri etip «Batkıvşına» partııasynyń múshesi Aleksandr Týrchınovti saılady. Radanyń sheshimimen Týrchınovke úkimet jumysyn úılestirý ókildigi berildi.
