Tımoshenko 7 jylǵa sottaldy
ASTANA. 11 qazan. QazAqparat - Kıevtiń Pechersk aýdandyq soty Ýkraınanyń eks-premeri ıÝlııa Tımoshenkony 2009 jyly Reseımen gaz kelisimine qol qoıý kezinde ókilettiligin asyra paıdalanǵany úshin kináli dep taýyp, jeti jylǵa bas bostandyǵynan aıyrdy, dep habarlaıdy VVS Orys qyzmeti.
Sot Tımoshenkony Qylmystyq kodekstiń 365-babynyń 3-tarmaǵy boıynsha aıypty dep tapty, dep jazady Telegraf.by.
Sot burynǵy premer-mınıstr 2009 jyly gaz kelisimine qol qoıý arqyly Ýkraınanyń Naftogaz UAK-ge 1,5 mlrd. grıven somasynda shyǵyn keltirdi degen qorytyndyǵa keldi. Sonymen qatar, Tımoshenkoǵa úsh jyldyń ishinde memlekettik qyzmet atqarýǵa tyıym salyndy.
ıÝlııa Tımoshenko qazirdiń ózinde úkimmen kelispeıtinin málimdedi. Ýkraınanyń Bas prokýratýrasy Tımoshenko 2010 jylǵy Prezıdent saılaýy aldynda óz ımıdjin jaqsartý úshin 2009 jyly RF-men tıimsiz gaz shartyna qol qoıdy dep esepteıdi.
