Tımofeı Skatov Úndistandaǵy jarystyń shırek fınalyna shyqty

ASTANA. KAZINFORM — Qazaqstandyq tennısshi Tımofeı Skatov Bangalor (Úndistan) chellendjer týrnıriniń shırek fınalyna joldama aldy. 

Álemniń 235-raketkasy T.Skatov bastapqyda reıtıngide 427-oryndaǵy aýstrııalyq Neıl Oberlıaıterdi qapy qaldyrdy – 6:3, 6:3.

Tımofeı ekinshi aınalymda reıtıngide 774-satydaǵy malaızııalyq Mıtsýkı Veı Kang Leongpen jolyqty.

Birinshi partııa Skatovtyń esebine jazyldy – 6:3. Ekinshi sette malaızııalyq tennısshi 4:2 esebimen alǵa ketkenimen, Skatov tarazy basyn teńestire bildi – 5:5. Aqyry matchty jeńispen túıindedi – 7:5.

Saǵat jarymnan astam ýaqytqa sozylǵan básekede T.Skatov 3 eıspen birge 9 breık-poınttyń tórteýin paıdalandy. Qarsylasy 8 eıs, 1 breıkpen (3 breık-poınt) kózge tústi.

Tımofeı Skatov jartylaı fınalǵa shyǵý úshin álemniń 441-raketkasy, chehııalyq Ionas Foreıtekpen talasady.

Taǵy bir qazaqstandyq, álemniń 277-raketkasy B.Juqaev osy dodada alǵashqy aınalymda reıtıngide 398-oryndaǵy kort ıesi Arıan Shahty aıqyn basymdylyqpen utty – 6:1, 6:2.

Beıbit ekinshi aınalymda taǵy bir úndistandyq, reıtıngide 556-satydaǵy Manas Dhamnemen betpe-bet keldi. Bul joly B.Juqaev 2:6, 6:3, 2:6 esebimen jol berdi. Bir saǵat 54 mınýtqa sozylǵan oıynda Beıbit 6 eıs jasap, 2 breık-poınttan múlt ketken joq. Úndistandyq tennısshi 4 eıs, 5 breıkpen (8 breık-poınt) erekshelendi.

Qazaqstannyń ekinshi, álemniń 74-raketkasy ıÝlııa Pýtıntseva Brısben (Aýstralııa) WTA 500 týrnıriniń úshinshi aınalymynan tys qaldy. Qazaqstandyq tennısshi ekinshi aınalymda álemniń 26-raketkasy, ýkraınalyq Marta Kostıýkke ese jiberdi – 7:6 (7:5), 1:6, 0:6.

Eske sala keteıik, budan buryn Anna Danılınanyń Brısben týrnıriniń jartylaı fınalyna joldama alǵanyn jazǵan edik. 

Sondaı-aq Elena Rybakına Brısben týrnıriniń úshinshi aınalymyna ótti.