Tımofeı Skatov Ýımbldon týrnıriniń irikteý saıysyn jeńispen bastady
ORAL. KAZINFORM — Qazaqstandyq tennısshi, álemniń 178-raketkasy Tımofeı Skatov Ýımbldon týrnıri irikteý saıysynyń jartylaı fınalyna shyqty.
Qazaqstandyq sportshy irikteý saıysynyń shırek fınalynda álemniń 247-raketkasy, argentınalyq Aleks Barrenadan aılasyn asyrdy.
Birinshi partııa 6:3 esebimen Skatovtyń enshisine jazyldy. Tartysty órbigen ekinshi sette taı-breıkte Tımofeı tabandylyq tanytty — 7:6 (7:4).
Bir saǵat 47 mınýtqa sozylǵan básekede T.Skatov 3 eıspen birge 11 breık-poınttyń bireýin ǵana paıdalandy. Barrena 7 eıspen kózge tústi.
Tımofeı Skatov irikteý saıysynyń jartylaı fınalynda álemniń 112-raketkasy, grýzııalyq Nıkoloz Basılashvılı nemese reıtıngide 185-satydaǵy shvetsııalyq Elıas Imerdiń qaı jeńgenimen kezdesedi.
Eske sala keteıik, budan buryn Jibek Qulambaevanyń álemdik reıtıngide joǵary kóterilgenin jazǵan edik.
