Tımofeı Skatov Ýımbldon týrnıri irikteý saıysynyń fınalyna shyqty
ASTANA. KAZINFORM — Qazaqstandyq tennısshi, álemniń 178-raketkasy Tımofeı Skatov Ýımbldon týrnıri irikteý saıysynyń fınalyna joldama aldy.
Qazaqstandyq tennısshi irikteýdiń jartylaı fınalynda álemniń 185-raketkasy, shvetsııalyq Elıas Imermen sheberlik baıqasty.
Birinshi partııada esep 2:2 bolǵan mezette Tımofeı breık jasap, sol basymdylyǵyn saqtaı aldy — 6:4.
Ekinshi sette T.Skatov 4:0 esebimen alǵa ketti. Aqyry matchty jeńispen túıindedi — 6:1.
Bir saǵat 9 mınýtqa sozylǵan básekede Skatov 3 eıspen birge 5 breık-poınttyń tórteýin óz esebine jazdy. Imer 6 eıs jasaǵanymen, 5 breık-poıntty paıdalana almady.
Tımofeı Skatov irikteý saıysynyń fınalynda álemniń 136-raketkasy, frantsııalyq Kırıan Jake nemese reıtıngide 229-oryndaǵy ıtalııalyq Andrea Gýerrırıdiń qaı jeńgenimen talasady.
Eske sala keteıik, budan buryn Jibek Qulambaevanyń Bolgarııadaǵy jarysta úzdik shyqqanyn jazǵan edik.
Sondaı-aq Tımofeı Skatov Ýımbldon týrnıriniń irikteý saıysyn jeńispen bastady.
Jibek Qulambaeva Polshadaǵy týrnırdiń shırek fınalyna joldama aldy.
