Tımofeı Skatov Týnıste negizgi týrnırge joldama aldy

ASTANA. KAZINFORM – Qazaqstandyq, álemniń 247-raketkasy Tımofeı Skatov Týnıstegi chellendjer týrnıriniń irikteý synyn sátti aıaqtady.

Qazaqstandyq tennısshi irikteý saıystarynyń fınalynda dúnıejúzilik reıtıngide 405-orynda turǵan nıderlandylyq Maks Haýkespen kezdesti.

Birinshi partııada 4:3 esebimen T.Skatov alda turǵan kezde M.Haýkes básekeni jalǵastyrýdan bas tartty.

Osylaısha, Tımofeı Skatov júlde qory 82 myń AQSh dollaryna baǵalanǵan negizgi jarysqa joldama aldy.

T.Skatovtyń negizgi dodadaǵy qarsylasy keıin anyqtalady.

Eske sala keteıik, budan buryn qazaqstandyq tennısshilerdiń Týnıs pen Portýgalııadaǵy jarysty sátti bastaǵanyn jazǵan bolatynbyz.

Sondaı-aq Shymkent qalasynda jasóspirimder álem chempıonatyna irikteý týrnıri bastaldy.