Tımofeı Skatov Shvetsııadaǵy jarysta alǵashqy qarsylasynan aılasyn asyrdy

ASTANA. KAZINFORM — Qazaqstandyq, álemniń 209-raketkasy Tımofeı Skatov Bostad (Shvetsııa) ATR 250 týrnıriniń irikteý saıysyn sátti bastady.

Іrikteý dodasynda 7-raketka bolyp tirkelgen qazaqstandyq tennısshi dúnıejúzilik reıtıngide 296-orynda turǵan úndistandyq Sýmıt Nagalmen betpe-bet keldi. 

Bir saǵat 26 mınýtqa sozylǵan básekede Skatov 6:2, 6:4 esebimen jeńiske jetti. Ol eıs jasamaǵanymen, 8 breık-poınttyń teń jartysyn óz esebine jazdy. Nagal 4 eıs, 1 breıkpen (2 breık-poınt) erekshelendi.

Tımofeı Skatov irikteý saıysynyń fınalynda álemniń 139-raketkasy, ıtalııalyq Andrea Pellegrınomen kezdesedi. Ony utqan jaǵdaıda negizgi týrnırge ótedi.

Eske sala keteıik, budan buryn Zarına Dııastyń Portýgalııadaǵy jarysty jeńispen bastaǵanyn jazǵan edik.

Sondaı-aq Gambýrg týrnırinde Jibek Qulambaeva irikteý saıysynyń fınalyna shyqty.