Tımofeı Skatov Shvetsııada negizgi jarysqa joldama aldy
ASTANA. KAZINFORM – Qazaqstandyq tennısshi, álemniń 223-raketkasy, 23 jastaǵy Tımofeı Skatov Bostad (Shvetsııa) ATP 250 týrnıriniń negizgi kezeńine ótti.
Qazaqstandyq tennısshi irikteý saıystarynyń fınalynda álemniń 153-raketkasy, ıtalııalyq Andrea Pellegrınonyń mysyn basty.
T.Skatov qarsylasyn 6:4, 6:1 esebimen tize búktirdi. Bir saǵat 35 mınýtqa sozylǵan básekede ol 3 eıspen birge 9 breık-poınttyń tórteýin paıdaǵa asyrdy. Pellegrıno 6 breık-poınttyń bireýin ǵana óz esebine jazdy.
Taǵy bir qazaqstandyq Denıs Evseev irikteý saıystarynyń fınalynda frantsııalyq Manýel Gınarmen oınaıdy. 15-21 shilde aralyǵynda ótetin Bostad dodasynyń júlde qory 651 865 eýroǵa baǵalanǵan. Jarys jeńimpazy 88 125 eýroǵa qosa 250 reıtıngilik upaıǵa ıe bolady.
Tımofeı Skatov qazirgi kezde ATP Live reıtıngisinde 218-orynǵa kóterilip tur.
Eske sala keteıik, budan buryn ıÝlııa Pýtıntsevanyń álemdik reıtıngide TOP-30-ǵa kirgenin jazǵan bolatynbyz. Qazaqstandyq tennısshi álemdik reıtıngide birden 36 satyǵa joǵary kóterildi.
