Tımofeı Skatov Shymkent týrnıriniń 1/8 fınalyna shyqty
ASTANA. KAZINFORM — Qazaqstandyq tennısshi, álemniń 198-raketkasy Tımofeı Skatov Shymkent chellendjer týrnırin sátti bastady.
Jarystyń 1-raketkasy bolyp tirkelgen qazaqstandyq tennısshi alǵashqy aınalymda álemdik reıtıngide 361-orynda turǵan ýkraınalyq Oleg Prıhodkony synap kórdi.
Eki set te 6:4 esebimen aıaqtaldy.
Saǵat jarymǵa jýyq ýaqytqa sozylǵan kezdesýde Skatov 1 eıspen birge 7 breık-poınttyń tórteýin óz esebine jazdy. Prıhodko 7 eıs, 2 breıkpen (5 breık-poınt) kózge tústi.
Tımofeı Skatov shırek fınalǵa shyǵý úshin reıtıngide 526-satydaǵy reseılik Svıatoslav Gýlınmen talasady.
Óz elimizde ótip jatqan dodada basqa qazaqstandyq tennısshilerdiń bári de jekeleı synda jarys jolynan shyǵyp qaldy.
Atap aıtqanda, búgin 18 jastaǵy Ámir Omarhanov moldovalyq, tájirıbeli Radý Albotqa jol berdi — 1:6, 4:6.
Sondaı-aq 17 jastaǵy Zańǵar Nurlanuly 1 saǵat 52 mınýtta aıaqtalǵan tartysty básekede reseılik Ivan Gahovqa ese jiberdi — 3:6, 5:7.
Denıs Evseev amerıkalyq Dalı Blanshtan 6:7 (2:7), 1:6 esebimen utylyp qaldy.
Eske sala keteıik, budan buryn Býblık pen Shevchenkonyń Madrıd masters týrnırinde baq synaıtynyn jazǵan bolatynbyz.
Jibek Qulambaeva juptyq synda Qytaıdaǵy týrnırdiń shırek fınalyna shyqty.
Mıhaıl Kýkýshkın Ońtústik Koreıadaǵy týrnırde qarsylasyn kambekpen utty.
