Tımofeı Skatov Rım týrnıriniń ekinshi aınalymyna joldama aldy

ASTANA. KAZINFORM — Qazaqstandyq, álemniń 172-raketkasy Tımofeı Skatov Rım (Italııa) chellendjer týrnırin sátti bastady.

Jarystyń 4-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngide 546-orynda turǵan frantsııalyq Antýan Kornýt-Chaývınkpen ótkizdi.

Birinshi partııada Skatov taı-breıkte tarazy basyn ózine aýdardy – 7:6 (7:1).

Ekinshi set te qazaqstandyq sportshynyń paıdasyna sheshildi – 6:4.

Eki saǵat 2 mınýtqa sozylǵan tartysty básekede Skatov 1 eıspen birge 10 breık-poınttyń úsheýin múlt jibergen joq. Kornýt-Chaývınk 7 eıs, 2 breıkpen (6 breık-poınt) kózge tústi.

Tımofeı Skatov shırek fınalǵa shyǵý úshin álemniń 287-raketkasy, Italııa ókili Stefano Travalıamen talasady. 

Taǵy bir qazaqstandyq, álemniń 258-raketkasy Denıs Evseev alǵashqy aınalymda reıtıngide 422-satydaǵy aýstrııalyq Sandro Koptan óte almady – 4:6, 4:6.

Eske sala keteıik, budan buryn Elena Rybakınanyń álemdik reıtıngide TOP-10-nan shyǵyp qalǵanyn jazǵan bolatynbyz.