Tımofeı Skatov Portýgalııadaǵy týrnırde tartysty matchta jeńiske jetti
ASTANA. KAZINFORM — Qazaqstandyq tennısshi, álemniń 163-raketkasy Tımofeı Skatov Eshtorıl (Portýgalııa) ATP 250 týrnıri irikteý saıysynyń fınalyna shyqty.
Qazaqstandyq sportshy irikteý saıysynyń jartylaı fınalynda reıtıngide 591-oryndaǵy portýgalııalyq Joaý Domıngeshke tap keldi.
Qarsylasynyń reıtıngide tómen turǵanyna qaramastan, Skatovqa oıyn ońaıǵa túsken joq.
Birinshi partııada Tımofeı 6:4 esebimen basym tústi. Ekinshi sette esep 5:4 bolyp matchqa dop bergende, múlt ketti – 6:7 (5:7). Úshinshi partııada esep 5:3 bolǵanda, dál sol jaǵdaı qaıtalandy. Degenmen qazaqstandyq tennısshi matchty breıkpen túıindeı bildi – 6:4.
Úsh saǵatqa jýyq ýaqytqa sozylǵan tartysty básekede Skatov eıs jasamaǵanymen, 11 breık-poınttyń jeteýin óz esebine jazdy. Domıngesh 2 eıs, 5 breıkpen (8 breık-poınt) erekshelendi.
Tımofeı Skatov irikteý saıysynyń fınalynda álemniń 157-raketkasy, Ispanııa ókili Pedro Martınes-Porteromen sheberlik baıqasady. Ony jeńse, 20-26 shilde aralyǵynda ótetin negizgi jarysqa joldama alady.
Eske sala keteıik, budan buryn Rýmynııadaǵy ıAssy týrnırinde jarystyń 1-raketkasyn jeńgen Jibek Qulambaevanyń fınalǵa shyqqanyn jazǵan edik.
Sondaı-aq Shevchenko Shveıtsarııadaǵy týrnırde Býblıktiń ketken esesin qaıtardy.
Qazaqstandyq tennısshiler ekinshi ret qatarynan Astana týrnıriniń fınalyna deıin jetti.
