Tımofeı Skatov Nıý-Delı týrnıriniń ekinshi aınalymyna shyqty

ASTANA. KAZINFORM — Qazaqstandyq tennısshi Tımofeı Skatov Nıý-Delı (Úndistan) chellendjer týrnıriniń ekinshi aınalymyna joldama aldy.

Тимофей Скатов
Фото: ҚТФ

Qazaqstandyq tennısshi alǵashqy aınalymda dúnıejúzilik reıtıngide 500-orynda turǵan jergilikti sportshy Karan Sınghpen sheberlik baıqasty.

Ótken aptada Úndistandaǵy Chennaı dodasynyń shırek fınalyna deıin jetken T.Skatov búgin jańartylǵan ATP reıtıngisinde 202-den 199-orynǵa kóterilip, TOP-200-ge qaıta engen edi.

Bul joly birinshi partııada Tımofeı 6:4 esebimen basymdylyq tanytty. Ekinshi sette úndistandyq tennısshige birde-bir geım bergen joq — 6:0.

Bir saǵat 23 mınýtqa sozylǵan básekede Tımofeı 3 eıspen birge 5 breık-poınttyń tórteýin óz esebine jazdy. Sıngh 2 eıspen shekteldi.

Tımofeı Skatov shırek fınalǵa shyǵý úshin álemniń 231-raketkasy, chehııalyq Marek Gengel nemese reıtıngide 406-satydaǵy amerıkalyq Andre Ilagannyń qaı jeńgenimen talasady.

Taǵy bir qazaqstandyq, álemniń 208-raketkasy Dmıtrıı Popko Delreı-Bıch (AQSh) ATP 250 týrnırinde irikteý saıysynyń fınalynda amerıkalyq, reıtıngide 328-oryndaǵy Maıkl Mmoǵa 6:7 (5:7), 0:6 esebimen jol berdi. Sóıtip negizgi jarystan tys qaldy. 

Eske sala keteıik, budan buryn ıÝlııa Pýtıntsevanyń álemdik reıtıngide TOP-20-ǵa qaıta kirgenin jazǵan edik.

Сейчас читают