Tımofeı Skatov Italııadaǵy jarysta qarsylasyn kambekpen tize búktirdi

ASTANA. KAZINFORM — Qazaqstandyq tennısshi, álemniń 308-raketkasy Tımofeı Skatov Todı (Italııa) chellendjer týrnırin jeńispen bastady.

Qazaqstandyq tennısshi alǵashqy kezdesýin álemniń 220-raketkasy, Perý ókili Gonsalo Býenomen ótkizdi.

Birinshi partııada perýlik sportshy 6:4 esebimen basym tústi.

Esesine sodan keıin Skatov bet qaratpady. Qalǵan eki set te 6:1 esebimen Tımofeıdiń paıdasyna sheshildi.

Eki jarym saǵattan astam ýaqytqa sozylǵan tartysty básekede Skatov 1 eıs, 7 breıkpen (12 breık-poınt) kózge tústi. Býeno 12 breık-poınttyń úsheýin ǵana paıdalandy. 

Tımofeı Skatov shırek fınalǵa shyǵý úshin reıtıngide 592-oryndaǵy ıtalııalyq, 20 jastaǵy Fılıppo Romanomen sheberlik talastyrady.

Qazaqstandyq tennısshi ótken aptada Bonn (Germanııa) chellendjer jarysynyń fınalyna deıin jetken edi.

T.Skatov qazirgi kezde ATP Live reıtıngisinde birden 254-orynǵa kóterilip tur. 

Eske sala keteıik, budan buryn Elena Rybakınanyń Tsıntsınnatı týrnıriniń tórtinshi aınalymyna joldama alǵanyn jazǵan edik. 

Sondaı-aq qazaqstandyq jas tennısshiler Germanııadaǵy jarysta top jardy.