Tımofeı Skatov Italııadaǵy týrnırdiń ekinshi aınalymyna ótti
ORAL. KAZINFORM – Qazaqstandyq tennısshi, álemniń 233-raketkasy Vıchentsa (Italııa) chellendjer týrnıriniń 1/8 aınalymyna joldama aldy.
Qazaqstandyq tennısshi alǵashqy aınalymda álemdik reıtıngide ózinen bir saty joǵary turǵan belgııalyq Gote Onklınniń mysyn basty.
Birinshi partııada Skatov aıqyn basymdylyq tanytty – 6:1.
Ekinshi sette taı-breıkte jeńisti ýysynan shyǵarmady – 7:6 (7:4).
Eki saǵattan astam ýaqytqa sozylǵan tartysty básekede qazaqstandyq sportshy 3 eıspen birge 8 breık-poınttyń teń jartysyn óz esebine jazdy. Onklın 2 breıkpen (11 breık-poınt) shekteldi.
Tımofeı Skatov shırek fınalǵa shyǵý úshin álemniń 182-inshi, osy jarystyń 6-raketkasy, aýstrııalyq Lýkas Noımaıermen talasady.
Týra bir aı buryn Rım chellendjer dodasynda L.Noımaıer T.Skatovty 6:3, 7:6 (7:3) esebimen utyp ketken edi.
Júlde qory 91 250 eýroǵa baǵalanǵan Vıchentsa týrnıri 1 maýsymda máresine jetedi. Jeńimpaz 12 980 eýroǵa qosa 75 reıtıngilik upaıǵa ıe bolady.
Eske sala keteıik, budan buryn Rolan Garros týrnırinde Elena Rybakınanyń tartysty matchta jeńiske jetkenin jazǵan bolatynbyz.
