Tımofeı Skatov Italııadaǵy tartysty matchta qarsylasyn utty

ASTANA. KAZINFORM – Qazaqstandyq tennısshi, álemniń 181-raketkasy Tımofeı Skatov Frankavılla (Italııa) chellendjer týrnıriniń 1/8 fınalyna ótti.

Jarystyń 3-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngide 345-orynda turǵan germanııalyq Djastın Engelmen ótkizdi.

Skatov matchty sátti bastady – 6:4. Alaıda ekinshi sette Engel qarymta qaıtardy – 6:2.

Degenmen úshinshi, sheshýshi partııada qazaqstandyq sportshy tarazy basyn aýdara bildi – 6:4.

Eki saǵat 16 mınýtqa sozylǵan básekede Skatov 2 eıspen birge 11 breık-poınttyń tórteýin paıdalandy. Engel 5 eıs, 4 breıkpen (8 breık-poınt) kózge tústi. 

Tımofeı Skatov shırek fınalǵa shyǵý úshin álemniń 331-raketkasy, ıtalııalyq Djovannı Fonıo nemese reıtıngide 556-satydaǵy frantsııalyq Benýa Perdiń bireýimen talasady. 

Eske sala keteıik, budan buryn Jibek Qulambaevanyń jeńisti jolyn Frantsııadaǵy týrnırde jalǵastyrǵanyn jazǵan edik.