Tımofeı Skatov Germanııadaǵy jarystyń jartylaı fınalyna shyqty
ASTANA. QazAqparat - Qazaqstandyq, álemniń 138-raketkasy Tımofeı Skatov Karlsrýe (Germanııa) chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Jarystyń altynshy raketkasy bolyp tirkelgen qazaqstandyq tennısshi shırek fınalda dúnıejúzilik reıtıngte 440-orynda turǵan lıvandyq Hadı Habıbpen sheberlik baıqasty.
Birinshi partııada breık jasaǵan qazaqstandyq tennısshi sol basymdylyǵyn saqtap qaldy - 6:3.
Tımofeı ekinshi sette de 4:2 esebimen alǵa ketti. Sosyn taǵy bir breık jasap, matchty bitirdi - 6:2.
Bir saǵat 20 mınýtqa sozylǵan kezdesýde T.Skatov eıs jasamaǵanymen, 12 breık-poınttyń úsheýin paıdalana bildi. Qarsylasy 9 eıspen ǵana kózge tústi.
Tımofeı Skatov fınalǵa shyǵý úshin álemniń 145-raketkasy, chılılik Alehandro Tabılo nemese reıtıngte 166-satydaǵy shveıtsarııalyq Leandro Rıdldiń qaı jeńgenimen talasady.
Eske sala keteıik, budan buryn Elena Rybakınanyń ekinshi jeńisine qol jetkizgenin jazǵan bolatynbyz.
Sondaı-aq Aleksandr Nedovesov Ýımbldonda alǵashqy aınalymnan asa almady.
Mıhaıl Kýkýshkın AQSh-taǵy týrnırdiń shırek fınalyna shyqty.
