Tımofeı Skatov Germanııadaǵy týrnırdiń ekinshi aınalymyna shyqty

ASTANA. QazAqparat – Qazaqstannyń ekinshi, álemniń 138-raketkasy Tımofeı Skatov Braýnshveıg (Germanııa) chellendjer týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi bastapqy kezdesýin dúnıejúzilik reıtıngte 513-orynda turǵan frantsııalyq Konstantın Bıttýn-Kýzmınmen ótkizdi.

T.Skatov 6:3, 6:1 esebimen ońaı jeńiske qol jetkizdi.

Bir saǵattan astam ýaqytqa sozylǵan báseke barysynda ol 3 eıs jasap, 5 breık-poınttyń tórteýin paıdalandy.

Tımofeı Skatov shırek fınalǵa shyǵý úshin reıtıngte 266-satydaǵy lıvandyq Bendjamın Hassanmen talasady.

Taǵy bir qazaqstandyq Denıs Evseev osy dodada brazılııalyq Tıago Ýaıldqa jol berdi – 6:4, 4:6, 1:6.

T.Skatov budan bir apta buryn Karlsrýedegi osyndaı jarystyń jartylaı fınalyna deıin jetken edi.

Eske sala keteıik, budan buryn Elena Rybakınanyń Ýımbldonnyń shırek fınalyna joldama alǵanyn jazǵan edik.

Sondaı-aq ıÝlııa Pýtıntseva Shvetsııadaǵy jarysty jeńispen bastady.

Ýımbldonda álemniń birinshi raketkasy jeńilip qaldy.