Tımofeı Skatov Chılıdegi týrnırdiń jartylaı fınalyna ótti
ASTANA. QazAqparat - Qazaqstandyq tennısshi Tımofeı Skatov (ATR reıtıngisinde 158-oryn) Kokımbodaǵy (Chılı) týrnırde sátti oıyn kórsetýin jalǵastyrýda, dep habarlaıdy QazAqparat Sports.kz-ke silteme jasap.
Shırek fınalda Skatov argentınalyq Federıko Korııamen (71-shi oryn) kezdesip, ony úsh sette – 6:3, 3:6, 6:4 esebimen jeńdi.
«Chellendjerdiń» jartylaı fınalynda qazaqstandyq sportshy taǵy bir argentınalyq tennısshi, 1/4 fınalda ıtalııalyq Marko Chekkınatony (98-shi oryn) jeńgen Fakýndo Dıas Akostamen (228-shi oryn) kortta kezdesedi.
Kokımbodaǵy týrnırdiń júlde qory – 53 120 dollar. Jeńimpaz 7200 dollar utyp, 80 reıtıngilik upaıǵa ıe bolady.
Foto: olympic.kz
