Tımofeı Skatov Chılıdegi týrnırdiń fınalyna shyqty
Qazaqstandyq tennısshi jartylaı fınalda álemniń 203-raketkasy, argentınalyq Fakýndo Dıas Akostamen sheberlik baıqasty.
T.Skatov birinshi partııada 7:5 esebimen basym tústi.
Ekinshi sette esep 1:1 bolǵan mezette argentınalyq tennısshi jaraqatyna baılanysty matchty jalǵastyrýdan bas tartty.
Osylaısha, Tımofeı Skatov sporttyq jolynda úshinshi ret chellendjer jarysynyń fınalyna shyqty.
Júlde qory 130 myń AQSh dollaryna baǵalanǵan jarystyń fınalynda T.Skatov álemniń 76-ynshy, dodanyń birinshi raketkasy, taǵy bir argentınalyq Federıko Korıamen bas júldeni sarapqa salady.
Sońǵy báseke 29 qańtar kúni Astana ýaqytymen saǵat 19.00-de bastalady.
Eske sala keteıik, budan buryn qazaqstandyq tennısshiniń Chılıdegi jarystyń jartylaı fınalyna shyqqanyn jazǵan bolatynbyz.
Sondaı-aq Elena Rybakına Aýstralııa ashyq chempıonatynda jeńimpaz bola almady.
Elena Rybakına qazaqstandyq tennısshilerden alǵash bolyp álemde 10-orynǵa kóteriledi.
Foto - Qazaqstan tennıs federatsııasynan
