Tımofeı Skatov álemdik reıtıngide birden 38 satyǵa joǵarylady

ASTANA. KAZINFORM — Kásibı tennısshiler qaýymdastyǵy (ATP) jarııalaǵan álemdik reıtıngide qazaqstandyqtardyń orny belgili boldy.

Qazaqstannyń birinshi raketkasy Aleksandr Býblık 24-ten 25-ke, sondaı-aq Aleksandr Shevchenko 56-dan 58-ge syrǵysa, Mıhaıl Kýkýshkın 135-ten 132-ge, Denıs Evseev 160-tan 153-ke kóterildi.
Ótken aptada Bostad (Shvetsııa) ATP 250 týrnıriniń shırek fınalyna deıin jetken Tımofeı Skatov 223-ten birden 38 satyǵa joǵarylap, 185-ten bir shyqty. Dmıtrıı Popko 186-dan 187-ge tómendedi.

Kósh basyndaǵy úzdik úshtikte ózgeris joq: ıAnnık Sınner (Italııa), Novak Djokovıch (Serbııa) jáne Karlos Alkaras (Ispanııa).

A.Shevchenko 22 shildege qaraǵan túni Horvatııada ótip jatqan Ýmag ATP 250 jarysynyń alǵashqy aınalymynda tartysty matchta majarstandyq Fabıan Marojannan jeńilip qaldy – 4:6, 6:4, 6:7 (8:10).

Juptyq synda Aleksandr Nedovesov 49-dan 54-ke tússe, A.Býblık – 131, Andreı Golýbev 148-ornyn saqtap qaldy.

Áıelder arasynda Polsha ókili Iga Shventek kósh bastasa, amerıkalyq Korı Gaýff ekinshi, belorýssııalyq Arına Sobolenko úshinshi, qazaqstandyq Elena Rybakına tórtinshi satyda.

ıÝlııa Pýtıntseva 29-dan 30-ǵa, juptyq synda Anna Danılına 50-den 48-ge aýyssa, Jibek Qulambaeva 140-orynda.

J.Qulambaeva keshe Praga WTA 250 dodasynda irikteý saıystarynyń fınalynda reseılik Oksana Selehmetevadan 1:6, 3:6 esebimen utylyp, negizgi jarysqa qosyla almady. Sondaı-aq onyń juptyq syndaǵy qadamy da sátsiz boldy. Osy týrnırdiń alǵashqy aınalymynda qytaılyq Fen Shomen birge chehııalyqtar Barbora Palıtsova – Domınıka Shalkovaǵa ese jiberdi – 5:7, 2:6.

Eske sala keteıik, budan buryn Astanada Prezıdent kýbogy úshin dástúrli jarys máresine jetkenin jazǵan bolatynbyz.