Tımofeı Skatov álemdik reıtıngide birden 115 satyǵa joǵarylady
ASTANA. KAZINFORM — Kásibı tennısshiler qaýymdastyǵy (ATP) jańartylǵan reıtıngini jarııa etti.
Qazaqstannyń birinshi raketkasy Aleksandr Býblık 27-den 24-ke, Aleksandr Shevchenko 102-den 89-orynǵa kóterildi.
Bul joly erekshe serpilis jasaǵan Tımofeı Skatov boldy. Ótken aptada Todı (Italııa) chellendjer týrnırinde úzdik shyqqan qazaqstandyq tennısshi birden 115 satyǵa joǵarylap, 308-den 193-ke jaıǵasty.
Sondaı-aq Beıbit Juqaev 206-dan 192-ge jaıǵasyp, Qazaqstannyń úshinshi raketkasy atandy.
Mıhaıl Kýkýshkın 223-ten 236-ǵa, Dmıtrıı Popko 217-den 239-ǵa syrǵysa, Denıs Evseev 322-den 318-ge shyqty.
Áıelder arasynda Tsıntsınnatı (AQSh) WTA 1000 týrnıriniń jartylaı fınalyna deıin jetken Elena Rybakına jańartylǵan reıtıngide 10-orynda qaldy. Osy dodada chempıon atanǵan Polsha ókili Iga Shventek 3-ten 2-ge aýysty.
Taǵy bir qazaqstandyq ıÝlııa Pýtıntseva 46-dan 54-ke, Jibek Qulambaeva 300-den 318-ge tómendese, Zarına Dııas 252-den 246-ǵa shyqty.
Eske sala keteıik, budan buryn AQSh ashyq chempıonatynda Elena Rybakınanyń mıkstegi qarsylasy anyqtalǵanyn jazǵan edik.
Mıhaıl Kýkýshkın irikteý saıysynyń jartylaı fınalyna joldama aldy.
Dmıtrıı Popko irikteý týrnırin sátti bastady.
