Tımofeı Skatov AQSh ashyq chempıonatyna joldama aldy

ASTANA. KAZINFORM — Qazaqstandyq tennısshi, álemniń 190-raketkasy, 23 jastaǵy Tımofeı Skatov AQSh ashyq chempıonatynyń irikteý saıysyn sátti qorytyndylady.

Qazaqstandyq tennısshi irikteý saıystarynyń fınalynda álemniń 104-raketkasy, ulybrıtanııalyq, 29 jastaǵy Bıllı Harrıspen negizgi dodanyń joldamasyn sarapqa saldy.

Birinshi partııada Harrıs 6:4 esebimen basymdylyq tanytty.

Esesine ekinshisinde Skatov azýly qarsylasyna esh múmkindik bergen joq – 6:0.

Úshinshi, sheshýshi sette Tımofeı matchty jeńispen túıindeı bildi – 6:3.

Eki saǵat 14 mınýtqa sozylǵan tartysty báseke barysynda qazaqstandyq tennısshi 3 eıspen birge 10 breık-poınttyń teń jartysyn paıdalandy. Harrıs 12 eıs, 2 breıkpen (10 breık-poınt) kózge tústi.

Ótken jyly AQSh chempıonatynda Tımofeı Skatov irikteý saıystaryn sátti ótkizip, alǵashqy aınalymda oınaǵan edi.

Eske sala keteıik, budan buryn US Open týrnırinde Tımofeı Skatovtyń irikteý saıysynyń fınalyna shyqqanyn jazǵan bolatynbyz.

Sondaı-aq Jibek Qulambaeva Serbııadaǵy jarystyń jartylaı fınalyna ótti.