Times Higher Education reıtıngine Qazaqstannan 26 joǵary oqý orny kirdi

ASTANA. KAZINFORM — Búgin, 12 maýsymda Times Higher Education joǵary bilim salasyndaǵy halyqaralyq reıtıng agenttigi Impact ranking 2025 BUU-nyń turaqty damý maqsattaryna qol jetkizý reıtıngisiniń jańa shyǵarylymyn jarııalady.

Bul reıtıng altynshy jyl qatarynan jasalyp otyr jáne BUU-nyń Turaqty damý maqsattaryna qol jetkizýdegi progresti kórsetedi.

Reıtıngke álemniń 125 elinen 2152 ýnıversıtet kirdi. 

Álemdik kóshbasshylar — GFR joǵary oqý oryndary.

Eń kóp usynylǵandary — Úndistan, Túrkııa jáne Pákistan ýnıversıtetteri.

Qazaqstan reıtıngke 26 joǵary oqý ornyn usynǵan, bul 2022 jylmen salystyrǵanda 3 ese kóp (10 joǵary oqý orny).

Ál-Farabı atyndaǵy Qazaq ulttyq ýnıversıteti top-700 (401-600 oryn) pozıtsııasyna kóterildi.

Sondaı-aq reıtıngke 6 ulttyq JOO, 10 memlekettik jáne 9 jeke JOO kirdi.

Jańa taldaýda derekter kontınentter, elder jáne ýnıversıtetter boıynsha salystyryldy.

Qazaqstandyq joǵary oqý oryndary bilim sapasy, genderlik teńdik jáne TDM múddelerindegi áriptestik sııaqty negizgi ındıkatorlar boıynsha reıtıngke engen.